تاند ( چهارشنبه د چنګاښ ـ سرطان ۲۴مه) د افغانستان د کورني کرکټ د ستر لیګ شپږیزې پایلوبه نن چهارشنبه ترسره کېږي.
کرکټ بورډ وایي، دغه لوبه نن سهار ۹ بجې پیلېږي.
پایلویې ته د سپین غر زمریانو او آمو نهنګانو لوبډلې وتلې دي او نن به هره لوبډله د پایلوبې د ګټلو هڅه کوي.
دواړه لوبډلې تر دې دمه دوه ځل سره مخامخ شوي چې، یوه سپین غر او بله آمو لوبډلې ګټلې ده.
د نمرو په جدول کې تر دې دمه سپین غر لومړی مقام لري او آمو دوهم ځای لري.
زرګونه نندارچیان لوبغالي ته و روان دي څو پایلوبه رنګینه او لوبډلې وهڅوي.
سږني شپږیزه کرکټ لیګ کې ۵ لوبډلو ګډون درلود چې، بند امیر یوازینۍ لوبډله ده چې، هېڅ بری یې خپل نکړ.