تاند (جمعه د حوت ۲۲) د کاپیسا ځايي امنیتي چارواکي وايي چې ددې ولايت د امنيه قومندانۍ د جنایي جرمونو د مبارزې مديريت د کشف امر مستقیم خان د وسله والو په برید کې ووژل شو.
د کاپیسا د امنیې قوماندانۍ ویاند شایق شورش ویلي چې مستقیم خان نن له غرمې وروسته خپل کور ته نژدې د موټرسايکل سپرو وسله والو طالبانو له لوري ووژل شو.
د ښاغلي شورش په خبره، دغه پېښه د محمود راقي ښار لومړۍ امنيتي حوزې سيدخان کلا سيمه کې شوې ده.
نوموړي زیاته کړې، په دې پېښه کې د کاپيسا د امنيې قومندانۍ د جنایي جرمونو د مبارزې مديريت د کشف امر وژل شوی او ورور يې ټپي دی.
د کاپیسا د امنیه قومندانۍ د ویاند په وینا، موټر سایکل سپاره وسله وال له پیښې وروسته د امنیتي ځواکونو له خوا ونیول شول او جسدونه یې په ونه کې راځوړند شول.
طالبانو تر اوسه په دې هکله کوم څه نه دي ویلي.
This is called An eye for an eye. Or Qissas.