په ننګرهار کې ددې ولایت ورزشي خبریالانو مشورتي ناسته وکړه
سمیع الله درنی
یکشنبې په مازیګر ناوخته په سراج العمارت بڼ کې د ننګرهار د ورزشي خبریالانو تر منځ مشورتي ناسته تر سره شوه او په یو لړ مهمو موضوعاتو یې بحث او مشورې تر سره کړې. د یادې ناستې په پیل کې د ورزشي خبریالانو د کرکټ لوبډلې پخواني لوبډلمشر احسان ساپي له لوري خبرې وشوې او هغه خپله لوبډلمشري په خپله خوښه پرېښوده، ورپسې د ټولو خبریالانو له لوري د لوبډلمشرۍ لپاره سمیع الله درانی وټاکل شو او د مرستیال لوبډلمشر په توګه یې یارمحمد پردېس غوره کړ. په بله برخه کې د مالي مدیر په توګه فقیرمحمد فقیرزی او د بهرنیو اړیکو له پاره احسان ساپی وګمارل شو، نصرت الله عمرزی بیا د ګروپ مشر په توګه مقرر شو. په پلان کې ده چې یاد خبریالان به په خپل منځو کې له یو بل سره همغږي کېږي او د کرکټ لوبو په کولو سره غواړي د نورو ولایتونو له خبریالانو سره اړیکې پراخه او ښې کړي.
(په درنښت د ننګرهار ورزشي خبریالانو له خوا)
