د بند امیر پر له پسې درېم بری
د زونونو په کچه د غازي امان الله خان یو ورځینیو سیالیو اوومه لوبه کې بندامیر لوبډلې امو لوبډلې ته په ۵ ویکټو ماتې ورکړه. دلوبې پچه بندامیر لوبډلې وګټله او لومړۍ یې د توپ اچونې پرېکړه وکړه.
امو لوبډله د لوبې په ۳۸،۴ اورو کې د ټولو لوبغاړو په سوځیدو سره بندامیر لوبډلې ته یوازې ۱۵۳ منډې هدف ورکړ چې تر ټولو زیاتې ۴۴ منډې مسلم موسی جوړې کړې، د بند امیر له لورې ظاهر خان ۳، او میرویس اشرف، عبدالله عادل د امو لوبډلې دوه دوه لوبغاړي وسوځول.
بندامیر لوبډله د لوبې په ۴۲،۱ اور کې د ۵ لوبغاړو په سوځیدو سره ټاکلي هدف ته ورسیده او لوبه یې د امو له لوبډلې څخه وګټله، د بندامیر له لورې ۵۳ منډې ناصر جمال او ۵۱ منډې افسر ځاځي ترسره کړې، د امو له لورې ظاهر شهزاد د بند امیر لوبډلې ۲ لوبغاړي وسوځول.
افسر ځاځی چې په ننۍ لوبه کې یې ۵۱ منډې جوړې کړې وې، دلوبې غوره لوبغاړی ونومول شو.
