ویستهم ته د مانچستر یونایتید سخته ماتې
تاند- د انګلیستان د فوټبال د غوره لیګ سیالیو د نوي فصل یا سیزن په لومړۍ اوونۍ کې مانچستر یونایټید کلب لومړۍ مسابقه په څلورو کلونو وګټله.
مانچستر یونایټید په دې سیالۍ کې، له ویست هم سره مخامخ شو او دا لوبډله یې ۴ پر صفر ماته کړه.
د لوبې په لومړۍ نیمايي کې مانچستر یوازې یو ګول وهلی و او هغه هم له دې لوبډلې سره تازه یوځای شوي لوبغاړي رومیلو لوکاکو وواهه.
په دوهمه نیمايي کې لوکاکو بل ګول وواهه خو د ګولونو لړۍ ورسره ختمه نه شوه بلکې انتونیو مارسیل په ۸۸ او پل پوګبا په ۹۰ دقیقه کې دوه نور ګولونه ه ووهل او په دې توګه سیالي ۴ پر صفر پای ته ورسېده.
