شپږيزه کرکټ لیګ به په سپټمبر کې ترسره شي
خبریال: فضل رحیم رحیمي؛ د کرکټ بورډ د مشر عاطف مشعل او د شپږیزه کرکټ لیګ د کمیټې د ګډې پریکړې پر بنسټ د ۲۰۱۷ کال شپږیزه کرکټ لیګ به په سپتمبرمیاشت کې ترسره شي.
یاده پریکړه د لوبډلو له امتیاز درلودونکو شرکتونو سره په همغږۍ او په لوبغالي کې د پرمختیایي چارو د لا ښه کېدو پر بنسټ وشوه.
د شپږیزه کرکټ سیالیو امتیاز درلودونکي شرکتونه د بازارموندنې لپاره پوره وخت ته اړتیا لري.
په پایله کې یې د دواړو لوریو په همغږۍ د شپږیزه کرکټ لیګ پنځم پړاو سیالیو لپاره د سپتمبر میاشت وټاکل شوه.
د یادونې ده چې تېر ځل د دغو لوبو اتلوالي د اضغرستانکزی په لوبډلمشرۍ د کابل بازانو لوبډلۍ ګټلې وه.
