کال بیګ: ستونزه نشته او کرونا ویروس ورو ورو مخ پر کمېدو دی
ولید خپلواک
د کرکټ نړیوالې شورا خپله پرېکړه یو ځل بیا د جولای میاشت ته وځنډوله. ټاکل شوې وه چې د ۲۰۲۰ م کال لپاره دغه شورا د ټولو غړو سره د جون په ۱۱ نېټه خپله نهایي پرېکړه اعلان کړي، اما روان وضعیت ته په کتو یاده پرېکړه راتلونکې میاشت ته وځنډول شوه.
دغه شورا د دوه جامونو لپاره پلانونه نیسي چې یو د نارینو او بل بیا د ښځینه و شل اوریزه جام په اړه دی.
د استرالیا کرکټ بورډ اجرایوي رییس کیون رابرټس ویلي:
(( د کرونا په روان وضعیت کې به زمونږ لپاره دا یو غټ خطر وي.))
پرون د استرالیا کرکټ بورډ د ورزش څانګې وزیر کال بیګ ویلي و چې ستونزه نشته او کرونا ویروس ورو ورو په کمیدو دی، د استرالیا وزیر ډاډ ورکړی چې نړیوال شل اوریزه جام به په خپل وخت ترسره کیږي.
یاده دې وي چې د نړیوال شل اوریزه جام لپاره به د راتلونکې جولای میاشت کې وروستۍ پرېکړه اعلان شي.
