یوزویندرا چاهل: راشد خان ګواښونکی لوبغاړی دی او ډار ترې پکار دی
د راشد خان یو هندی سیال یوزویندرا چاهل د افغانستان کرکټ نامتو ستوري راشد خان په وړتیا بنده خوله پرانېسته.
نوموړي د راشد خان وړتیا ستایلې او ویلي یې دي: (( د هندي توپ اچوونکو لپاره راشد خان بې بېګلې دی، د هغه توپ اچونه خورا سخته او ستونزمنه ده.))
راشد خان د خپل هندي سیال لیګ سپنر یوزویندرا چاهل سره د انسټاګرام چیټ په جریان کې یوه خوله بنډار کړی دی. په دې بنډار کې دواړه لوري یو بل ته د مُسکا په ډکه خوله نظریات تبادله کړي دي.
په دې بنډار کې راشد خان د هندوستان د ویکټ کیپر توپ اچوونکي ریشاب پانت ستاینه هم وکړه او هغه یې یو سخت مخالف وباله. راشد خان پینټ ډیر وړاندې پیژندلی و.
راشد چاهال ته وویل: ((هغه په پرله پسې ډول درې شپږیزې ووهلې او پر څلورم توپ کې یې زړه ښه کړ خو یوازې ژر وسوځېد.))
یاده دې وي چې دا لومړی ځل نه دی چې د افغان کرکټ ستوري راشد خان ستاینه د نړۍ نوموتي کرکټران کوي، بلکې له دې وړاندې هم د ګڼو افغان لوبغاړو د بې سارې وړتیا لپاره نړېوالو کرکټرانو خپلې تبصرې کړي دي او افغان لوبغاړي یې ډېر ستایلي دي.
