هسپانوي رسنۍ: بارسلونا په یوهان کرایوف لوبغالي کې سیالۍ پیلوي، نور هم شته
محمود خان منندوی
هسپانوي رسنیو ادعا کړې ده، چې بارسلونا هم غواړي د لوبو د بیا پیلېدو په صورت کي کورنۍ سیالۍ په یوهان کرایوف لوبغالي کې ترسره کړي. د دې دلیل د دې لوبغالي کوچنیوالی او پر لوبغاړو د تماشاچیانو د نشتون د رواني تاثیر لږوالی دی.
یوهان کرایوف د بارسلونا B لوبډلې لوبغالی دی.
ماریانو د تبدیلیدونکي لوبغاړي په توګه په ۲۱مه پیړۍ کې د الکلاسیکو تر ټولو تیز ګول ولګاوه. ماریانو چې کله لوبې ته داخل شو، تر ۵۰ ثانیې وروسته یي ګول ولګاوه. دا د لالیګا روان فصل کي د ماریانو لومړۍ لوبه وه.
کاټلونیا راډیو: د بارسلونا سره د سواریز اوسنی قرارداد تر ۲۰۲۱م کال پورې اعتبار لري، خو که هغه د راتلونکي فصل په ۶۰ سلنه لوبو کې ولوبیږي، نو قرارداد به یي تر ۲۰۲۲م کال پورې په اتومات شکل وغځیږي.
رسمي: د اسې میلان ځوان دفاعي لوبغاړي ګابیا د دې کلب سره خپل قرارداد تر ۲۰۲۴م کال پورې وغځاوه.
د الجزایر ملي لوبډلي روزونکی جمال بلماضي غواړي د زین الدین زیدان زوی لوکا زیدان ملي لوبډلې ته د ګول ساتوونکي د پوسټ له پاره دعوت کړي.
