د انګستان د غوره لیګ لوبې
تاند – د انګستان د فوټبال په غوره لیګ کې ارسنال چې روان کال یې تمه لرله چې د دې لوبو اتل به شي. د دوشنبې په ورځ له کریستل پلیس لوبډلې سره یو په یو مساوي شو.
د غوره لیګ په بله لوبه کې نن لسټر چې د جدول په سر کې دی له ویسټ هم سره دوه د دوه په وړاندې مساوي شو او لیورپول له بورنیموت څخه دوه په یو لوبه وګټله.
تر دې نتیجو وروسته لیسټر وروسته له ۳۴ لوبو د جدول په سر کې پاتې شو او امتیازات یې ۷۳ ته ورسیدل. ارسنال د ۶۰ امتیازاتو له لرلو سره څلورم ځای خپل کړ، لیورپول اتم او ویسټ هم شپږم.
د انګلستان د غوره لیګ د جدول د سر ټیم لسټر لاهم له دوهم ټیم څخه چې ټاټنهام دی اته امتیازه مخکې دی. د غوره لیګ شل ټیمونه د یوه کال په ترڅ کې ۳۸ لوبې یوه په خپل کور کې بله د سیال په کور کې ترسره کوي او هر ټیم چې ډیرې امتیازات لرل هغه کپ اخلي، د سر درې ټیمونه اروپایي اتلولۍ ته لاره کوي او د پای درې لوبډلې تر لیګ لاندې بل پړاو ته نزول کوي او د هغوی ځای د دوهم پړاو د سر درې لوبډلې د لیګ په پای کې خپلوي.
