دولت ځدران د کرکټ بورډ غوراوي کمېټه په توپیري چلند تورنه کړه
دولت ځدران په خپله رسمي فېسبوک پاڼه لیکلي، چې د کرکټ بورډ غوراوي کمېټه له ده سره توپیري چلند کوي او ده ته حق نه ورکوي.
ځدران په داسې حال کې دا خبرې کوي، چې افغان کرکټ بورډ د ایرلېنډ پر وړاندې درې شل اوریزو لوبو لپاره پنځلس کسیزه لوبډله اعلان کړه؛ خو د دولت ځدران نوم پکې نه و.
نوموړي په خپله فېسبوک پاڼه لیکلي، چې دی به له رسنیو سره د خپل حق غوښتلو په هکله خبرې وکړي او هم به په خپله فېسبوپاڼه د حق غوښتلو لپاره لایف راشي.
نوموړی وایي چې د لوبو لپاره چمتو دی؛ خو کرکټ بورډ یې نه لوبوي.
کرکټ بورډ تر اوسه په دې اړه غبرګون نه دی ښودلی.
