آی سي سي سکاټلندی کیل کويټزر د جایزو حقدار نومولی
ولید خپلواک
د کرکټ نړېوالې شورا د ۲۰۱۹ میلادي کال په ځینو پیاوړو او په تېر میلادي کال کې په غوره لوبغاړو ځینې جایزې ووېشلې چې له ډلې یې د انګلستان څخه بین سټوکس جایزه واخیسته.
نوموړی د انګلستان کرکټ ملي لوبډلې تر ټولو مهم الراونډر دی چې په ۲۰۱۹ م کال نړیوال جام کې یې خپله لوبډله د بریا لور ته یوړه. هغه د انګلستان لپاره د کرکټ په نړۍ څو ځله د هیرو نوم هم ګټلی او تر ډېره یې انګلستانۍ لوبډله په درې واړه فارمټونو کې لوبوي. بین سټوکس د آی سي سي ایوارډ وېشلو مراسمو کې د کال د غوره کرکټر (ګیرفیلډ سوبرز) جایزه وګټله .
په نورو جایزو کې غوره لوبڅار هم شامل و چې دغه جایزه یې( ریچارډ الینګورټ) ته ورکول شوه او په ټیټه درجه هیوادونو کې بیا د سکاټلنډ هیواد څخه (کیل کويټزر) د جایزو حقدرا ونومول شو.
یاده دې وي چې په ۲۰۱۹ م کال کې هندوستاني کيپتان (ویراټ کوهلې) په نړیوال جام کې ډېر ښه او ارام ولوبېد نو پر همدې اساس نوموړي ته د کرکټ د ښې روحیه جایزه ورکول شوه.
