د فوټبال لنډ ورزشي خبرونه
محمود خان منندوی
ولورهمپټون د دې فصل له پاره خپل درېیم لباس معرفي کړی.
د اروپا د 5 معتبره لیګونو په دې فصل کي یوازي دریو کلبونو 100 فیصده بریاوې ترلاسه کړي دي.
لاپورټي په بارسلونا ښار کې خپل د زنګون جراحي عملیات وکړل او څو میاشتې به له لوبو څخه لیرې وي.
د اخېر ځل لپاره میسي 59 ورځې مخکې لوبیدلی و. ( چیلي پر وړاندې) ممکن راتلونکو 20 ورځو کې لوبو ته اماده شي.
رسمي: چیلسي د 2019/20 فصل لپاره خپل درېیم لباس معرفي کړی.
په داسې حال کې چې دې کلب ویلي، دا لباس د 1990م کال د لباس څخه په الهام اخیستنې ډیزاین شوی، خو د هغه سره هیڅ سر نه خوري.
رسمي: فیفا د 2022 کال فوټبال نړۍ وال جام لوګو معرفي کړه. دا جام 1174 ورځې وروسته پیلیږي.
رسمي: د میلان ښار ډاربۍ د اث میلان او اینټر میلان ترمنځ د سیر اې په څلورمه اوونۍ کې د سپټمبر پر 21مه د شپې پر 11:15 بجې کېږي.
زخميان بیا شروع شول، ایډین هازارډ او ټورګان هازارډ د بیلیجم راتلونکو دوو لوبو کې د زخمي کېدو په خاطر نه شي لوبیدلی.
لورنزو اینسینیی او بریان کریسټانټي د ایټالیا راتلونکو دوو لوبو کې د زخمي کېدو په خاطر نه شي لوبیدلی. پر ځای یي سانډرو ټونالي د برشا او وینچنزو ګریفو د نورنبرګ څخه واخیستل سول.
ارون ون بیساکا د انګلستان راتلونکو لوبو کې د زخمي کېدو په خاطر نه شي لوبیدای.
