تاند (یکشنبه، د وږي/ سنبلې ۸ مه) د دولتي شرکتونو عمومي ریاست وايي، د افغان پوست د اجرايي رئیس رحمتالله مکي په مشرۍ درې کسیز پلاوی د اسیا د پوست د ۱۴م کانګرس کې د ګډون لپاره د تایلنډ پلازمېنې بنکاک ته تللی دی.
په دې غونډه کې د اسیا د پوست اتحادیې د ۳۲ غړو هېوادونو د پوست ادارو استازي او یو شمېر نړیوال بنسټونه ګډون کوي.
د طالبانو په وینا، په غونډه کې به د پوستي خدمتونو پر پراختیا او معیاري کولو، نړیوالو همکاریو، د پوست او ګمرکونو ترمنځ پر همغږۍ او د پوستي خدمتونو د کیفیت پر لوړولو خبرې وشي.
د افغان پوست پلاوی به هم له بېلابېلو هېوادونو سره د پوست په برخه کې د همکاریو د پراختیا په اړه خبرې وکړي.