تاند (شنبه د غبرګولي/ جوزا 9مه) نورستان کې د طالبانو د حکومت سیمهییز مسوولان وایي چې، دغه ولایت ته پر لار د سېلانیانو یو موټر تېره شپه په مرکز پارون کې له سړک تر اوښتو وروسته سیند ته غورځېدلی دی.
سرچینې زیاتوي چې، د دې پېښې له امله څلور کسان لا هم نادرکه دي او موټر چلوونکی ژوبل شوی او ژغورل شوی دی.
مسوولان زیاتوي چې سیلانیان د فراه اوسېدونکي دي او د اختر مېلې لپاره نورستان ته تللي وو.
دا پېښه داسې مهال کېږي چې، نورستان په زیات شمېر سېلانیان ور مات شوي او دغه ولایت ته تللې لار بیا له خطرونو ډکه ده.
بل لورته بیا د کابل ـ جلال اباد پر لویه لار لغمان ساحه کې د کډوالو یو موټر چپه شوی چې، له امله یې ۲۲ تنه مړه شوي او ۳۵ نور ژوبل شوي دي.
په دې پېښه کې ۱۰ ماشومان هم شامل دي.