تاند ( چهارشنبه د وري – حمل ۲۶مه) د افغانستان د کرکټ ملي لوبډلې ورو توپ اچونکی نور احمد لکڼوال د ۲۰۲۶کال د هند غوره لیګ سیالیو کې د چینای سوپر کېنګز او کلکته نایټ رایډرز ترمنځ په لوبه کې خورا ښه وځلېده.
هغه په څلورو اورونو کې یوازې ۲۱ منډې ورکړې او درې لوبغاړي یې وسوزول.
نور احمد د چنای سوپرکېنګز لوبډلې سره لوبېږي.
چنای سوپرکېنګز لومړۍ توپ وهنه وکړه او په ۲۰ اورونو کې یې د پنځو لوبغاړو په سوزېدو ۱۹۲ منډې جوړې کړې.
سیالې لوبډلې وروسته توپ وهنه وکړه،خو د نور احمد غوره توپ اچوونې یې د بریا مخه ونیوله.
نوراحمد په څلورو اورونو کې د همدې لوبډلې ۳ لوبغاړي وسوزول او یوازې ۲۱ منډې یې ورکړې.
نوراحمد د لوبې غوره لوبغاړی وټاکل شو.
دا په وروستیو پنځو لوبو کې د چنای دویمه بریا وه. دغه لوبډله د لسو لوبډلو په جدول کې د څلورو امتیازونو په لرلو سره اتم ځای لري.
تر دې وړاندې راشدخان هم په خپلو لوبو کې ښه ځلېدلی او په یوه لوبه کې غوره لوبغاړی شوی دی.