د کرکټ په نړۍ کې د لنډ وخت راج در لودونکی لوبغاړی بیا راستنیږي
ولید خپلواک
د بنګله دیش کرکټ ملي لوبډلې تکړه کیڼ لاسی توپ اچوونکی مصطفیض الرحمن چې د کرکټ په نړۍ کې یې د لنډ وخت لپاره ښه راج درلوده اوس په خپل رن اپ یا منډه کې بدلون راولي.
مصطفیض چې د بنګله دیش لپاره یې د فاسټ بالرانو تشه په مکمل ډول ډکه کړی وه نوموړی اوس د بنګله دیشۍ لوبډلې له پام څخه غورځیدلې دی.
د ملي لوبډلې ټاکونکی حبیب البشر وویل:
(( مونږ د نوموړي پر وړتیا سترګې نه شو پټولې، خو باید په ارام ارام ملي لوبډلې ته راشي.))
مصتفیض الرحمن د بنګله دیش کرکټ لوبډلې یو ترټولو پیاوړی لوبغاړی دی چې په خپله توپ اچونې د لوبې په ورستیو شیبو کې هر ډول سوېنګ اپ کټر او ورته نور توپونه په اسانۍ سره ترسره کولای شي.
نوموړي په ورستۍ مرکه کې وویل: ((اوس لپاره ښه يم او په ځان کې لږ بدلون وینم))
هغه په خپل کورني لیګ بي پي ایل کې د رانګپور رایډرز لوبډلې لپاره لوبه ترسره کوي.
