په سویس کې د یوفا غوره روزونکو ناسته وشوه، نور هم شته
محمود خان منندوی
د 1999م کال راهیسي یوفا هر کال د اروپا د فوټبال غوره او مشهوره روزونکي دعوت کوي، تر څو د هغوی له تجریو او نظرونو څخه په دې اداره کې ګټه واخلي. د پرون ناسته کې مکس الگری، کارلو آنچلوټي، میرشا لوچسکو، پائولو فونسکا، پپ گوارډیولا، اونای امری، یورگن کلوپ، زین الدین زیدان، مائوریټزیو ساری، روډی گارسیا، ټوماس ټوکل او اریک تین هاک حاضر وه.
رسمي: د هسپانیا د سوپر کپ په نیمه پایلوبه کې بارسلونا د اټلاټیکو ماډریډ او ریال ماډریډ د والنسیا سره لوبیږي. ( یوه لوبه )
د دې لوبو ګټونکې به پایلوبه کې سره لوبیږي.
د 2020 جنوري اتمه: والنسیا – ریال ماډریډ
د 2020 جنوري نهمه: بارسلونا – اټلاټیکو ماډریډ
د 2020 جنوري دوولسمه: پایلوبه
رسمي: د راتلونکو دریو کلونو لپاره د هسپانیا سوپر کپ په عربستان کې کېږي.
سعودي عربستان به هر کال د دې لوبو د ترسره کولو په خاطر 40 میلیونه یورو ورکوي، چې پر څلورو کلبونو به ویشل کېږي. د هسپانیا د فوټبال فدراسیون په دې اړه چې ښځو ته به مکمله اجازه او لوبغالو ته د ورتګ لپاره نه ورکول کېږي، تشویش درلود، خو د عربستان سره یي په قرارداد کې دا قید ذکر کړی دی، چي ښځو ته په پوره توګه د ورتګ اجازه سته. دا په داسي حال کې ده، چې تېر کال او دا کال د ایټالیا سوپر هم په عربستان کې ترسره شو او کېږي.
