د اسیا په کچه د فوټسال سیالېو د اتلولۍ په موخه د غوراوي پړاو پچه اچونه وشوه
محمود خان منندوی
د اسیا په کچه د 2020 م کال د فوټسال سیالېو په لوبو کې 23 هیوادونو ګډون کړی دی او د اسیا په څلورو زونونو کې یي پچه اچونه وشوه.
افغانستان د مرکزي اسیا د جنوبي زون په الف ګروپ کې د ازبکستان، تاجکستان او نیپال سره یو ځای شو.
دغه لوبې په راتلونکې اکټوبر میاشت کې د ایران په کوربه توب د غدیر ښار په ارومیه لوبغالي کې ترسره کېږي.
د افغانستان لوبې:
د اکټوبر 23مه: افغانستان – ازبکستان | د ماسپښین 03:30 بجې
د اکټوبر 24مه: افغانستان – تاجکستان | د ماسپښین 01:00 بجه
د اکټوبر 25مه: افغانستان – نیپال | د ماسپښین 01:00 بجه
د دې لوبو په پای کې د هر ګروپ څخه لومړۍ او دوهمه لوبډله د اسیا د 2020 کال د فوټسال د اتلولیو لوبو ته لاره پیدا کوي. هغه لوبې د ترکمنستان په کوربه توب ترسره کېږي.
