تاند (سې شنبه، د وري/ حمل ۲۵ مه) نن (سې شنبې) په هرات ښار کې سلګونو کسانو د هغو ۱۱ تنو د وژل کېدو د غندنې لپاره غونډه وکړه چې د دې ولایت په انجیل ولسوالي کې وطل شوي وو.
د جمعې په ورځ (د وري ۲۱) د انجیل ولسوالۍ د دهمیري کلي یوه زیارت ته څېرمه نامعلومو وسلهوالو پر ملکي وګړو ډزې وکړې. په دې برید کې لږ تر لږه ۱۱ تنه وژل شوي او ۹ نور ټپیان شوي دي.
عیني شاهدان وايي، لاریون کوونکو د قربانیانو مړي د ښار په ځینو برخو کې لېږدول او د برید پر ضد یې شعارونه ورکول. سرچینو مخکې ویلي وو چې په دې برید کې اکثره وژل شوي کسان شیعه ګان دي.
د غونډې برخوالو د جنایتکارو د جنایت د غندلو ترڅنګ له چارواکو وغوښتل چې د برید عاملان ونیسي او جزا ورکړي.
تراوسه هیڅ ډلې د دې برید مسوولیت په غاړه نه دی اخیستی.