تاند ( سه شنبه د وري – حمل ۲۵مه) د هند حکومت اعلان کړی چې افغانستان ته یې د توبرکلوز ناروغۍ مخنیوي لپاره ۱۳ ټنه واکسین لېږلی دی.
دیاد هیواد د بهرنیو چارو وزارت ویاند، رندیر جېسوال، پر خپله اېکسپاڼه لیکلي چې دغه مرسته د افغانستان د عامې روغتیا وزارت ته سپارل شوې ده.
د هغه په وینا، دا واکسینونه به د ماشومانو د واکسین پروګرام پیاوړی کړي او د توبرکلوز ناروغۍ پر وړاندې به د مبارزې هڅې زیاتې کړي.
هند تېرکال هم څو ځله افغانستان سره روغتیايي مرستې کړې دي.
بلخوا د عامې روغتیا وزیر، نورجلال جلالي، هند ته د سفر پرمهال له دې هېواد څخه د افغانستان د روغتیا سکتور د پیاوړتیا لپاره د لازیاتو همکاریو غوښتنه کړې وه.