فیل سيمونس: د شیمرن هيټماېر نشتون خواشینی کړی یم
ولید ( خپلواک)
ویسټ انډیز کرکټ ملي لوبډله او تر څنګ یې انګلستان کرکټ ملي لوبډله د جولای په اتمه نېټه خپله لومړی ټیسټ لوبه پیلوي، د ویسټ انډيز کرکټ ملي لوبډلې مشر روزونکي فیل سیمونس ویلي:
((زه ډېر خوښ یم چې مونږ د انګلستان سره په دوره کې درې ټیسټ لوبې لرو، مونږ به د درې واړه ټیسټ لوبو د ګټلو هڅه وکړو، خو ستونزه داده چې مونږ درې لوبغاړي چې د ټیسټ لپاره خورا مهم و هغوۍ د تګ څخه انکار کړی و.))
فیل سیمونس زیاتوي:
((زمونږ لوبغاړي د څو اوونیو لپاره قرنطین تېر کړ؛ زمونږ کرکټران لوبو ته ضرورت لري او باید سیالۍ ترسره کړي، زه د شیمرن هيټماېر په نشتون ډېر زیات خفه یم ځکه د هغوۍ اهمیت مونږ ته معلوم دی دا چې نشته کمې به یې ډېر زیات احساساوو.))
یاده دې وي چې ویسټ انډیز او انګلستان کرکټ ملي لوبډله د جولای په اتمه نېټه خپله لومړی ټيسټ لوبه پيلوي چې د کرکټ ډېری مینوال ورته انتظار باسي.
