د فوټبال نړۍ
محمود خان منندوی
کوراټوا: میسي زما له پاره د نورو لوبغاړو سره هیڅ فرق نه لري. زه هغه ته د سلټا ویګو او لیوانټي د لوبغاړو په څېر ګورم.
د منچسټر سیټي جرمنی لوبغاړی لیروی ساني چې ۶ میاشتي د ټپي کېدو په خاطر له لوبو څخه لیري و، پرون شپه د دې کلب د ۲۳ کلنو لوبډلې له پاره د ارسنال د ۲۳ کلنو د لوبډلې پر وړاندي ولوبېد.
ګاټزټا: د لوبو څخه تر یوې میاشتي لیرې کیدو وروسته، اوس په تازه معایناتو کې معلومه شوې ده، چې سمیر هندانوویچ جوړ شوی دی او راتلونکو لوبو کې لوبیدای شي.
روما د جانلوکا مانچيني او جورډن ورټو قرارداد دایمي کړ. روما دا لوبغاړي د اټلانټا او فیورنټینا څخه په قرض اخیستي ول.
ګلابو سپورټي: د برازیل د فوټبال فدراسیون دا مهال د پاریس سېنټ جرمن کلب سره خبري کوي، تر څو د توکیو د ۲۰۲۰ م کال المپیک ته یي دعوت کړي او د کوپا امریکا لوبو کې یي د لوبیدو اجازه هم ترلاسه کړي.
سن سپورټ: لمپارډ د راتلونکي فصل له پاره ۷ لوبغاړي نه غواړي: زوما، جورجینیو، کیپا، الونسو، بارکلي، امرسون، ویلیان او پیډرو.
په تاریخ کې د لومړي ځل له پاره جرمني کلبونو د میلادي کال ۸ لومړۍ لوبې په ټولو ټورنمنټنونو کې وګټلې.
الیسون بیکر د ۲۰۱۹ م کال د سامبا جایزه ترلاسه کړه. دا جایزه هر کال په اروپا کې غوره لوبیدونکي برازیلي لوبغاړي ته ورکول کېږي.
