د هسپانیا حذفي جام سیالۍ روانه اوونۍ پېلیږي، نور هم شته
محمود خان منندوی
رسمي: د هسپانیا د حذفي جام په 1/16 پړاو کې بارسلونا د ایبیزا او ریال ماډریډ د یونیونیسټ پر وړاندې لوبیږي.
دا لوبې روانه اوونۍ کېږي.
سکای ایټالیا: د منچسټر یونایټیډ دفاعي لوبغاړی اشلي یانګ د اینټر میلان کلب سره شخصي توافق ته رسیدلی دی او اوس د دواړو کلبونو ترمنځ خبرې روانې دي.
د جاپان د یوکوهامای کلب 52 کلن لوبغاړي کازړیوشي میورا د دې کلب سره یو بل فصل هم قرارداد وغځاوه.
په غوره لیګ کې ښه پیل، د اګویرو د تېرې ورځې دوولسم ریکارډ ماتوونکی هټریک، د غوره لیګ د تاریخ درې سووم هټریک و، چې ووهل شو.
د بارسلونا د روزونکې په توګه د والورډي کارنامه. هغه د بارسلونا د تاریخ څلورم روزونکی و، چې اخراج شو.
منچسټر یونایټیډ د سپورټینګ لیسبون د مرکزي پرټګالي لوبغاړي برونو فرنانډز سره وروستي توافق ته ورسېد. هغه به د 51 میلیونه پونډه په بدل کې انګلستان ته ولاړ شي.
