تاند/سه شنبه د وږي ـ سنبلې ۱۰مه/ افغانستان کې د طالبانو د حکومت د المپیک، بدني روزنې او ورزش عمومي ریاست وایي، د هېواد د وزلوبې ۱۲ کسیزه ملي لوبډله د ۲۰۲۶ کال د قبیلهیي نړۍوالو سیالیو په شپږم پړاو کې د ګډون لپاره قرغیزستان ته ولاړه.
یاد ریاست نن پر خپله اېکسپاڼه لیکلي چې، په دې لوبډله کې ۱۰ چاپاندازان او یو روزونکی شامل دي.
خبرپاڼه کاږي چې د وزلوبې فدراسیون رییس حاجي سرور جلال د لوبډلې مشري کوي.
سرچينه زیاتوي، یادې سیالۍ د قرغېزستان په کوربهتوب په بشکیک ښار کې د ۱۰۶ هېوادونو په ګډون د اګسټ په ۳۱مه پیل شوي او د سپټمبر تر ۷مې به دوام وکړي.