تاند (سې شنبه د چنګاښ/سرطان ۳۰مه) د افغانستان والیبال ملي فدارسیون مسوولانو رسنیو ته ومنله چې، د افغانستان ملي لوبډله د پاکستان د ویزو نشتون له امله د مرکزي اسیا زون سیالیو کې له ګډون پاتې شوه.
دغه سیالۍ په پاکستان کې ترسره کېدلې.
یاد فدراسیون ویلي چې په کابل کې یې د پاکستان سفارت ته د ملي لوبغاړو د ویزو لپاره په مکرر ډول غوښتنلیکونه استولي خو مثبت ځواب یې نه دی ترلاسه کړی.
ټاکل شوې دغه لوبې سبا (چهارشنبه) د اسلام اباد په کوربتوب د شپږو هېوادونو په ګډون پیل شي خو افغان لوبډله به په کې ګډون ونه لري.