تاند ( چهارشنبه د چنګاښ ـ سرطان ۲۴مه) د افغانستان د کورني کرکټ د ستر لیګ شپږیزې پایلوبه نن چهارشنبه وشوه چې، آمو پکې اتلولي خپله کړه.
په ننني پایلوبه کې امو نهنګانو د پرلپسې دریم ځل لپاره د شپږیزه کرکټ لیګ سیالیو اتلولي خپله کړه!
سپین لومړی توپوهنه وکړه او د ټولو لوبغاړو په زیان یې آمو ته د ۱۶۷ منډو هدف ورکړ.
سپین غر لپاره ډېرې منډې عصت عالم ۶۷ منډې وکړې.
امو نهنګان لوبډلې د یوې خورا غوره او هر اړخیزې لوبې او بهترینې کارکردګۍ پرمټ سپین غر پړانګانو ته په پایلوبه کې د ۷ ویکټو په توپیر ماتې ورکړه او د پرلپسې دریم ځل لپاره یې هم د شپږیزه کرکټ لیګ سیالیو اتلولي خپله کړه.
سږنۍ شپږیزه په لومړي ځل خوست کې وشوه. ۵ لوبډلو ګډون کړی وو چې امو یې اتلولي خپله کړه.