تاند (چهارشنبه د وري – حمل ۲۶مه) د ملګرو ملتونو د ښځو څانګې په خپل نوي راپور کې ویلي چې، افغانستان ته له ګاونډیو هېوادونو راستنې شوې ښځې له پراخو اقتصادي ستونزو سره مخ دي.
د راپور لهمخې یوازې ۱۷سلنه ښځې یې عاید لري.
په راپور کې راغلي چې، په دوی کې ۷۷سلنې له ایران او ۶۴ سلنې له پاکستان راستنې شوې ښځې وزګارې دي او د نورو منځنی عاید یوازې ۱۱۰۰ افغانۍ دی.
سرچینې زیاته کړې چې، د ښځو ۹۲٪ کارونه هم خونديتوب نه لري او کم عاید لرونکي دي.
د ملګرو ملتونو د ښځو څانګې راپور زیاتوي چې نږدې ۴۰ سلنې ښځې مهارتونه لري خو د کار فرصت نه مومي او ۵۷ سلنې یې د پخوا پرتله لږ عاید لري.
دا راپور داسې مهال خپرېږي چې، د ښځو ترڅنګ راغلي نارینه کډوال هم له بې روزګارۍ او اقتصادي ستونزو زورېږي.