تاند (شنبه، د غبرګولي/ جوزا ۱۶ مه) د افغانستان پخواني ولسمشر حامد کرزي د یوه قطري بنسټ (زده کړې تر هر څه وړاندې) له لوري افغان نجونو ته د لوړو زدهکړو د بورسونو د برابرولو ستاینه کړې ده.
کرزي په یوه بیان کې ویلي چې د دې پروګرام له لارې ۷۴ افغان نجونې د امریکا د متحدوایالتونو له بېلابېلو پوهنتونونو فارغې شوې دي.
نوموړي فارغو شویو نجونو ته مبارکي ورکړې او ویلي یې دي چې د دوی بریا نه یوازې د محصلانو لپاره، بلکې د افغانستان د راتلونکې لپاره هم یو مهم پرمختګ دی.
کرزي د افغان ښځو او نجونو لپاره د زدهکړو د فرصتونو پر دوام ټینګار کړی او زدهکړې یې د هېواد د پرمختګ او سوکالۍ بنسټیزه اړتیا بللې ده.
هغه همداراز د لوستو او مسلکي کسانو لپاره د کاري فرصتونو د برابرولو غوښتنه کړې او ټینګار یې کړی چې د نجونو پر مخ باید ښوونځي او پوهنتونونه بېرته پرانیستل شي، څو خپلې زدهکړې په هېواد دننه هم دوام ورکړي.
پنجابیانو د افغانستان خلک په عجیب مصیبت ګرفتاره کړیدي . داسې مصیبت چې د افغانستان خلک یې د عربي جهالت دور ته یعنې د محبوب پیغمبر تر راتګ مخکې کلونو ته بوولي دي . عربانو هم 1400 کاله د ګران پیغمبر تر راتګ مخکې خپلې لورګانې او نجونې ژوندۍ تر خاورو لاندې کولې . ملاندیم د عالي تحصیلاتو پر ضد وزیر هم د ښوونځیو او پوهنتونونو ، د علم دروازې د ټولو افغانانو ، خصوصا نجونو پرمخ تړلي دي .
د اسلام دین تر خپرېدو وروسته اسلامي نړۍ په ساینس او علم کې مخکښه وه . غربیانو له دوی علم زده کړ او دا دی نن د ترقي اوپرمختګ په ډېرو عالی مدارجو کې دي . خو مسلمانان د دغې جاهلې طبقې له لاسه هرشي ته احتیاج دي.
«وَالسَّلامُ عَلیٰ مَنِ اتَّبَعَ الْهُدىٰ»