تاند (سې شنبه، د وږي/ سنبلې ۱۷ مه) د بریتانیا سنډې ټایمز (ورځپاڼې) راپور ورکړی چې د ایران له مشر مجتبی خامنهيي سره تړلي دوه لوکس پینټهاوسونه (لوکس اپارتمانونه) په لندن کې په شاوخوا ۳۶ میلیون پونډه پلورلو ته وړاندې شوي دي.
دواړه اپارتمانونه د لندن په ۳ا پالېس ګرین کې، کینزینګټن ماڼۍ ته څېرمه موقعیت لري او په ۲۰۱۴ او ۲۰۱۶ کلونو کې د ایراني بانکدار علي انصاري له خوا اخیستل شوي وو.
انصاري د امریکا د خزانې وزارت له خوا د ۲۰۲۶ کال په جولای کې د مجتبی خامنهیي د «مهم مالي ملاتړي» په توګه بندیزلګېدلی کس اعلان شوی و. د امریکا چارواکي ادعا کوي چې نوموړي د خامنهیي او د ایران د نورو چارواکو په ګټه د شتمنیو یوه پراخه شبکه اداره کوله؛ انصاري دغه تورونه رد کړي دي.
راپور وايي، د انصاري د پورونو د نه ورکړې له امله د دغو ملکیتونو د پلور بهیر پیل شوی او د پلور له عوایدو څخه هر ډول ګټه به د بندیزونو له امله کنګل پاتې شي.