تاند ( چهارشنبه، د جوزا ۲۶) د پاکستان سوپر لیګ ۲۳مه لوبه د کوټې ګلیډیټرز او لاهور قلندرز لوبډلو ترمنځ ترسره شوه.
لاهور قلندرز پچه وګټله او لومړی یې توپ اچوونه غوره کړه.
ګلیډیټرز په ټاکلو ۲۰ اورونو کې د ۵ لوبغاړو په سوځېدو ۱۵۸ منډې وکړې، چې له ډلې یې جیک ویدرالډ ۴۸، سرفراز احمد ۳۴ ناسوځېدلې او اعظم خان ۳۳ منډې وکړې.
د لاهور لپاره فولکنر ۳، راشد خان او محمد حفیظ ۱-۱ لوبغاړي وسوځول.
لاهور قلندرز لوبډلې ټاکل شوی هدف پوره نشو کړای او ټوله لوبډله په ۱۸ اورونو کې د ۱۴۰ منډو په جوړولو وسوځېده.
ټیم ډیویډ ۴۶ او حارث روف ۱۹ منډې وکړې.
د کوټې له خوا عثمان شینواري او خرم شهزاد تر ټولو ښه توپ اچونه ترسره کړه او ۳-۳ لوبغاړي یې وسوځول
د لوبې د غوره لوبغاړي جایزه عثمان شینواري ترلاسه کړه.